又係休息日. 之前喺NY中文雜誌<食為天>裏面見到好多關于East Village嘅餐廳介紹, 去吧去吧!
NYC嘅East Village等于日本town, 有好多好有特色嘅日本食肆/店鋪/居酒屋, 雖然之前有去過, 不過都未至于好似今日咁捐窿捐罅!

 

好多食肆都係12點後先開門, 搞到10點半就去到嘅我哋週圍行咗好耐, 飲埋嘢先食lunch.
我哋揀咗價格比較實惠, 以ramen為主嘅MENKUI TEI! (以我哋現在嘅收入嚟講....=3=")
好多entree都係$10以內就有! 小食就不在話下! Lunch Special就更加唔使講啦~~~





好可愛嘅menu, 都係人手畫上去嘅插畫同說明!





Sake.....可惜我唔飲得呢~





可寧嘅miso soup, 比起唐人開嘅日本餐館整嘅有過之而無不及! 唔會有平時飲到嘅沙沙嘅感覺, 好滑好香!



我嘅Menkui ramen, 當然要試下本店嘅主打!
麵質好爽口, 略帶一點鹼水味, 叉燒肥瘦適中! 唔錯!



而可寧永遠都喺唔知揀乜嘅時候揀返d通街都有得食嘅嘢.........暈囉.....
katsu curry rice, 咖喱同我整嘅差唔多之嘛........=3=........不過d豬扒炸得剛剛好! 白飯都夠香軟!



飽晒.................(不過我碗麵真係好大......冇辦法食得晒!)



食完拉麵仲有半個鐘下一站先開門, 遠途街角見到好靚嘅貓貓!!!



到咗1點, 間Otafuku Takoyaki終于都開門了!
店內好"骨子", 連menu都要喺門外睇先清楚. 不過雖然細, 但"內龍"都好齊全.



裏面有支好大支但好cute嘅takoyaki sauce XD! (圖見右邊)



$5一客(6粒)嘅章魚燒加上只需$1嘅麥茶, 正!!!
呢度嘅章魚燒算比較正宗, 比起喺Mitsuwa食嘅要好味得多! 而且除咗章魚, 仲可以揀芝士或者無料口味!



(相冊upload咗好多其他east village嘅日本食肆, 我係要準備試晒佢嘅...........! XD)